#PantunMinang hadir di timeline dunsanak tiok rabu malam mulai jam satangah 10 malam
Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?
Untuak malam kini ( 13 Februari 2013) #PantunMinang nyo diagiah tema “Angek-angek Dingin ”
- batang salak patah di tangah | patahnyo diambuih angin | mancaliek uda nan gagah | mambuek badan angek-angek dingin - @ie_moet91
- Pai mangaji Jo kareta angin | Ka rumah guru di pariangan | yo tapacak paluah dingin | mancaliak namo uda di undangan - @imahfahmi
- Badoa tiok sumbayang | Supayo sehat banyak razaki | Mancaliak dosen sadang berang | Raso ka tangga kapalo jo kaki - @SepliaSS
- Kalau ambo tau manihnyo susu | indak ka ambo tambah jo gulo | kalau ambo tau kasiah nyo palsu | indak ka ambo tarimo sajak samulo - @papiiwan
- anak sipasan di rumah cino | mati dicucuak paku | raso kacabiak jantuang di dado | manunggu mintuo maagiah restu - @eQ_abai
- Jatuah-jatuah kapeh balambin | sakumpa banang jadikan kain | mancaliak adiak bajalan jo nan lain | mambuek badan angek dingin - @as_imra
- kopi nan datang dari cino | disulam rancak dari subarang | ondeh malang denai bacinto | sadang lamak ditingga surang - @icaannurya
- Kayuah sampan di sungai kampar | kayuah sampai ka pulau balai | jan kan mapan ntuak malamar | kuliah se alun tamaik lai - @__Fikri
- kama ambuihnyo angin | angin barambuih masuak ka rimbo | baa badan ndak ka angek dingin | caliek uda jaLan jo jando - @ie_moet91
- elok-elok manyubarang jembatan | jembatan basi kadok bakarek | angek-angek dingin raso badan | mangana soal ujian ndak tajawek - @infoSumbar
- Alang tabang malayok tibo | tahampeh badan di sarang tampuo | Angek-angek dingin taraso badan ko | mangana diri dek alun bapunyo - @ravetya
- Disana gunung disini gunung | di tangah-tangah pulau jawa | Si buyuang acok bamanuang | dek ndak jadi tagak marawa - @BangBoco
- Ala badarak bunyi lantai | Titi panjang kanai galodo | Ala taragak jadi mempelai | Pitih paminang nan indak ado - @AbahJempol
- Cubo dikicok rasonyo lamang | jan dimakan kok lah rasan | Ditahan aia mato nan ka balinang | bia jan gamang adiak dipelaminan - @BangBoco
- Anak ketek main lilin | mainnyo dakek banda lumin | baa badan ndak ka angek dingin | adiak kamek tapi barangin - @MgalangPersada
- Makan bakwan di lapau | Mintak kopi sagaleh | Kok kawan suko bagurau | Digalak an urang hati jan paneh - @SepliaSS
- Kuciang lalok2 di ateh abu | abu yang ado didakek tungku | kok ado yg cari minantu | ambo lai namuah ka penghulu - @Takaraprim11
- lah lamo indak ka rimbo | babuah talang ko kini | lah lamo indak basuo | barubah sayang ko kini - @hayatulkhairi
- dingin hari di malam nangko | sairiang jo mato nan lah sabak | baa hati ndak ka taibo | urang diritwit awak indak - @uda_marley
- pai kapasa mambali mainan | untuak diagiah kapado kamanakan | Baa ndak gamang wak di palaminan | Gigi ameh uda nan dinampakan - @oeyha_uliamoet
- kok siang taraso dingin | nan malam taraso hangek | uda move on ka nan lain | dek adiak kini lah bajirawek - @udawir
- Pas sakolah acok bolos | pas masuak di panggia hantu | kanai berang dek ibuk kos | dek buek namo adiak di pintu - @NandaRadePutra
- ciek sirangkak ciek kapitiang | samo di lubuak kaduonyo | ciek rancak ciek santiang | samo mabuak cinto kaduonyo - @PradiptaAnandya
- Gasiang taputa di danau singkarak | saniang baka bnyak terasi | Bialah uda makan karak | asa adiak lai makan ka-ef-si - @setiawanista
Berbagi informasi seputar Sumbar • Pertama dan Terbesar • #PantunMinang #Event #News #Loker • Untuk Promosi/Kerjasama: contact@infosumbar.net
0 comments :
Posting Komentar