Kumpulan #PantunMinang Edisi “Sangkek Ambo Ketek”

#PantunMinang hadir di timeline dunsanak tiok rabu malam mulai jam 10 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?

Untuak malam kini ( 2 Januari 2013) #PantunMinang nyo diagiah tema “Sangkek Ambo Ketek”

1. ka parak mancari tokek | tokek ditangkok nan jo jalo | takana wakatu ketek | mandi ujan lap salemo - @infoSumbar


2. Kaki singkek | bajalan ka singkarak | Sangkek ambo ketek | yo nasi amak juo nan paliang lomak - @habybpalyoga


3. bajalan pakai tangkelek | tasungku masuak banda | takana wakatu ketek | buek oto dari kaleang jo tarompa - @infoSumbar


4. Basah-basah manunggu etek | etek di tunggu naiak ojek | susah bana waktu ketek | takuik pusako kanai sunek - @om_jasman


5. bajalan pake srawa pndek | sarawa cabiak tasangkuik rantiang kayu | takana wakatu ketek | tiok sabanta minta pitih sibu - @syaidinatul


6. sakik kapalo abang dek | sakik dek karano tak basuo | takana wakatu ketek | narimo rapor merah sadonyo - @antony_febrian


7. Bungo rayo agak layu saketek,abih tandeh dek maangkek,Iyo kayo ambo waktu ketek, pitih dapek dek mambaco ayat2 pendek - @hayatulkhairi


8. Jikok dareh aia di hulu | usah adiak pai ka rayiah | Takana maso ketek dahulu | cari buluah dibuek an badiah - @hendrisajaa


9. bajalan pakai tangkelek | bali baju di ramayana | takana wakatu ketek | manangih mintak balian tamiya - @fajardwinanda


10. Dima wak ka jatuah | di situ wak mambana | dek ketek nan bakaruah | ambo ketek lapang sarawa - @costan_rider


11. ciek duo tigo ampek, basabaleh kok main bola, sabana sanang wakatu ketek, mandi ujan pulang sikola - @kidridho


12. Pai ka Wc pakai tangkelek | tibo di wc aia nyo mati | takana sangkek waktu ketek | main layang2 sampai tangah hari - @fauzan_omb666


13. Pai ka sawah mancari koncek | pas dicari dapek kutang | taingek maso-maso ketek | pai ka waruang acok bautang - @Farhan_allen


14. Simpan bareh didalam belek | cari saruang di dalam karanjang | Takana sangkek ketek-ketek | main sipak tekong di tangah lapang - @leny_lengloi99


15. ka pasa bali pisang sa sikek | pas ka pulang dapek asam sewa | Takana di waktu ketek, acok tacirik dalam sarawa - @PradiptaAnandya


16. Si budi mkan lapek | smbia bjaln pai kuliah | tkana di wktu ketek | bali ciki-ciki ba hadiah - @p_panyalae


17. Baranang kapulai saribu | badatak jantuang dek tasasek | Basikareh dapek pitih sibu | bacabuik uban banyak gaek - @ngap_ngap


18. Anak gadih mamakai kodek | Kodek dibali di tanah Jua | takana ambo jo maso ketek | suko manyabuik namo amak paja - @AhmadFadhel


19. Urang jawa namonyo bude | pai manjua saruang banta | takana maso di sd | juara kelas tiok sabanta - @imahfahmi


20. bali kripik tampek mak etek, tibo di rumah makan jo mie kuah, kok takana maso ketek, suko baok nasi ka sakolah - @dededeathground


21. tando indak dalam aia bariak | tando kumuah aia nyo karuah | takana maso ambo kaciak | tiok minggu pai didikan subuah - @RedhoFajri


22. Pai ka pasa samo etek | indak lupo singgah di lapau l takana waktu ketek-ketek | main di banda mancari pantau - @rezkyselluw


23. Manjek batang seri nan banyak ulek | Tiok pulang sakola | Rajin mangaji katiko ketek | elok laku acok dapek juara - @nurhaysenyo


24. Pai main ka rumah etek, etek nan dicari sadang manari. Takana wakatu ketek, main cumancik satiok ari - @illahop


25. di kampuang jadi tukang ojek | eloklah marantau ka pandai sikek | Takana maso ketek | kalau kanai tungau lah bantuak punyo urang basunek - @VichoAdlan


26. mncari almat smp ka mato aia | tibo dsinan nmpak marawa | wkt ketek main ka batang aia | smp kajamban dlm sarawa - @lengga_pradipta


27. pai ka pasa naiak bendi | bendi bajalan kudo balari | takana maso ketek-ketek | wak nan suko ma intip urang mandi - @82Davit


28. Etek-etak manjua lapek | harago nyo 500 rupiah | kok d kana waktu ketek | acok main gembot di muko sakolah - @harrypria


29. Urang pikumbuah jalan barampek | pai balanjo ka pasa ibuh | Takana-kana jo maso ketek | maapa Janji didikan shubuh - @ridhoferd


30. Banyak kini yang manyogok | dari saketek sampai nan barami | kalau dulu sangaik lah cangok | rajin bana bali karupuak mi - @p_panyalae\


31. Jariang mudo rasonyo kalek | dimakan jo nasi putia | takana jo maso ketek | pulang sakolah mandi tang aia. - @NickGhawa


32. dapek lotek di bukiktinggi | baok pai ka lapai | sangkek ketek lompek yo bana tinggi | dek acok main kajai - @Lya_Rif


33. Ka bunguih naiak ojek | singgah sabanta ka bukik lampu | takana maso ketek | bali sapatu balampu lampu - @yandadwipa


34. alang-alang ditangh padang | ambiak pucuaknyo karek jo sabik | takana ketek maso karengkang | manuka tarompa japang di musajik - @Taufiq_ope


35. si buyuang pulang kasawah | pulangnyo mambao sakam | takana waktu sakolah | cabut nonton SATRIA BAJA HITAM - @antony_febrian


36. dima rusuah ndk ka dapek | sarawa cabiak babalah duo | sbana susah wakatu ketek | manjua es untuak pitih balanjo - @fajaarhd


37. Nan dakek ka jadi rajo | nan jauah suai lupokan | wak ketek ndak do karajo | bamalam-malam maunyian durian - @Costan_rider


38. Di tangah sawah ado pak tani | bajalan-jalan batalanjang kaki | Alah rusak gigi ambo kini | sajak ketek suko makan coki-coki - @iyansomnia


39. sadang sero manumbuak lado |kironyo tasingguang aia boto | takana2 waktu mudo | pai sikolah ado cik mato - @Vindy_Modus


40. makan lapek saketek-saketek | jo mandan duduak baselo | kok dimaso ketek | ambo acok nambag wakatu rayo - @dededeathground


41. hari tarang pakai kacomato | kalau hauih minum aia karambia | takana wakatu ketek hari rayo | pai ka pasa bao badia-badia - @Taufiq_ope


42. Bakaja k tanah lapang. Disinan urg bamain layang2 | Urg k musajik pai sumbayang, awak mlh mangabek tilakuang urg - @khatamirizki


43. Hari rayo makan katupek |kue nyo kue panukuik |Takana d suurau maso ketek |kalalok baparang kantuik - @laguLamo


44. Siap mandi di bae basikek | sikek di pakai jo nenek nenek | takana dulu samaso ketek | manangih nangih pai basunek - @triputraFadli


45. Di silaiang mambali paragede | dibali sabungkuih dek si ujang | takana wakatu sd | kalau tibo urang manyuntik lah mati kacamehan ciek surang - @utarielsangri


46. Pai ka sawah mamanciang baluik | duduak bamanuang di ateh batu | Sangkek ketek tadanga bacaruik | muncuang dilepong jo lado kutu. - @pujiakbar3

Share it Please

Tweet

Unknown

Berbagi informasi seputar Sumbar • Pertama dan Terbesar • #PantunMinang #Event #News #Loker • Untuk Promosi/Kerjasama: contact@infosumbar.net