Kumpulan #PantunMinang Edisi "Karambia"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (24 Juli 2013) #PantunMinang nyo diagiah tema “Karambia” [/sws_pullquote_left]

1. Iko namonyo karambia mudo | yo lamak diminum wakatu babuko | jikok dunsanak indak puaso | tangguang lah nantik di dalam narako - @jeffryszn


2. karambia mudo makan jo pisang | amakan basamo tetangga subalah | sabalun kito mulai #PantunMinang | elok kito baco bismillah - @ie_moet91


3. Karambiah dimakan jo katan itam | dimakannyo di hari pagi | ko dapek suami jan lah nan itam | insyaallah yang cocok di hati - @iswesialthof


4. Jalan - jalan ka pariaman | banyak karambia nan dicaliak | uda batato bukannyo pareman | koh dek bagaya se mah diak - @dedipeem


5. makan katan pakai karambia | sagu dimakan dek kudo | basobok mantan kaki manggigia | ragu dek inyo baok escudo - @varfando


6. Latiah puaso dihari hangek | yo lamak babuko jo karambia mudo | yo malang bakulik kalek | nampaknyo pas galak sajo - @NickGhawa


7. Karambia mudo jo daun pandan | sabana indah jadi pabukoan | alah tibo di tangah ramadhan | amal ibadah mari ditingkek an – @vinotm


8. Nembak buruang di ateh tang karambia | jatuah ka tanah dimakan buayo | nampak buyuang manuang di tapi aia | takana badan sadang manjomblo - @Biee_putra


9. babuko jo karambia siso | dimakan sambia jongkok | percuma se uda puaso | kalau uda tetap marokok - @tifaniirdi


10. Apo guno karambia | karambia tuk di ambiak santan nyo | apolah guno janji hanyo di bibia | kok ndak adoh nampak bukti nyo - @setriosa


11. babuko minum aia karambia mudo | supayo manih batambah jo gulo | hai kawan generasi mudo | marilah kito tadarus ka musajik basamo - @thaatan


12. Karambia bagulo lawang | lasuahnyo waktu babuko | walau di rantau marando tagang | hari rayo pulang juo - @damnoise


13. Babuko pakai aia karambia | dipasan agak saoto | Itu sia nak gadih nan bacilalek diateh bibia | manih roman nyo manaduahan mato - @PanglimaKelam1


14. Ado baruak mancari karambia | Nyo pai ka tangah hutan | Kok bapantun indak mambayia | Tapi selalu jadi rebutan - @BredRandy


15. Rancak hijaunyo karambia mudo| Tambuahnyo Rimbun Satandan Labek | Rancak Bulanko Mancari Pahalo | Nilainyo Lipek Balipek - @yunanda86


16. karambia mudo dibalah duo | dicigok isinyo sabana taba | iko inyo anak rang mudo | nan iduik nyo inggok co laba laba - @Dede_IRawan07


17. Karambia satandan labek | baminyak tangah kuali | Disangko lai ka mandapek | kironyo manggigik jari - @febi_amertha


18. Bubua otak-otak kuah tangguli, karambia mudo pakai gulo,galak gadang uda tangah hari, eh disalo gigi nyo ado lado - @Yelly7393


19. baruak piaman maambiak karambia | karambia dimasak jadi palai | sholat wajib jan hanyo di bibia | karajoan tapek waktu bia dak lalai - @dhoaidil


20. karambia mudo tumbuah di tangah lauik | anak abak maambuih tungau | kok dompet bialah kempuik | tapi hati ndak buliah galau - @FerisyaIR


21. Lamang tapai jo karambia mudo | Makan basamo di buko puaso | Indak Paralu uda kayo | asal kan lai Rajin bausaho - @reyaalvionitha


22. karambia jatuah di alang-alang | diambiak urang Muaro Peti | Lah malam adiak alun pulang | Rusuah hati uda mananti - @akbarcipto


23. Karambia di cari ka pariaman | dapeknyo limo duo ditinggakan | lah uda nanti sapanjang jaman | kironyo undangan nan adiak titipkan - @tyok20


24. Batang karambia condong ka lauik | dipaga jo paga basi | muko sadiah kaniang bakaruik | dek ulah saku indak barisi - @yudikitiank


25. Karambia tumbuah di muaro | Dibaok ka padang lua | Kalau ingin pabukoan nan sero | Cubolah sarikayo talua - @zelvi_s


26. Karambia mudo ditambah gulo | auih hilang salero lapeh | Babini duo jan dicubo | Awak tauncang pitih tandeh - @AbahJempol


27. Karambia dari nagari subarang | Dibali urang dari padang lua | Walau iduik nan sagalo kurang | Jan sampai budi nan tajua - @__Fikri


28. Pohon karambia pohon ketumbar | kaduonyo samo samo rindang | anak rantau pulang ka sumbar | cuma untuak mangicok dendeng jo randang - @PU_sako


29. Aia karambia jo bakwan | menu babuko di rumah kawan | Bialah diak status kito sebatas bakawan | asa tiok sahur ambo dijagoan - @PanglimaKelam1


30. waktu babuko lamaknyo minum aia karambia mudo | minumnyo smo pcar tercinta | jan disio-sio an maso mudo | demi meraih cita cita - @EndaScounDrel


31. pai bali karambia ka pariaman | ndak lupo singgah di kadai sari | Bia bntuak awak pareman | tapi hati lunak co mayangsari - @yodi_warizka


32. Jalan-jalan ka koto tuo | pai mambali karambia mudo | Bialah abih pitih dek buko basamo | asa lai sobok jo kawan lamo - @afifahdwiputrii


33. Buko puaso jo karambia mudo | Indak salamak aia gulo | Kecek urang tuo-tuo | Ndak usah bamain cinto - @azmizuhairi


34. karambia mudo diminum ajo | ndak cukuik buliah batmbuah | gadih minang harus rajin karajo | bia ndak dikecek an rancak di labuah - @ie_moet91


35. Karambia dibalah duo | dicukia jadi santan | iko sipek urang mudo-mudo | urang tarawiah nyo duduak di jembatan - @agungprtmaaa


36. karambia mudo dipanjek baruak | pahilang hauih jo lapa | tamanuang uda di suduik | mancaliak rumah adiak ado marawa - @oksaperdana


37. karambia mudo dicampua fanta | tambah lamak kalo pakai susu | namonyo puaso manahan lapa | jan dituruik an hawa nafsu - @nandagusra


38. Karambia mudo babuko puaso | Sero bana palapeh dahago | Dunia ko hanyo samantaro | Amal Soleh juo nan maantaan ka sarugo - @JustUdaDian


39. makan karambia siap taraweh | taraweh banyak urang tuo tuo | klo jd bini jan pamaleh | bia capek disayang mintuo - @Indyuztan

Posted by infoSumbar on 7:30 AM in +PantunMinang , infoSumbar , pantun minang

Kumpulan #PantunMinang Edisi “Kaliang"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (17 Juli 2013) #PantunMinang nyo diagiah tema “Kaliang” [/sws_pullquote_left]

1. Marantau ka mandailiang | pai nyo jo oto sinamar | kok kulik buliah kaliang | asa hati lai bersinar - @at_agung


2. Urang kaliang manggaleh lado | manggaleh lado di pasa baso | ka mamaliang uda malam ko | hati adiak jadi targetnyo - @ShaqJuventini


3. Pai malala naik boyan kaliang | baok si upiak duduak baduo | galakk gadang caliak sisumbaiang | kue basamuik dimakan juo - @Biee_putra


4. odrek dmakan katiko paniang | ubek pananang sakik kapalo | walaupun muko saketek kaliang | tapi mato mirip rang cino - @rafihamd


5. Amak amak manjua galang | galang di bali urang e ilang | Bia badan dikecekan kaliang | asa pitih padek muko balakang - @FerisyaIR


6. jikok tarang tu siang | Kalam tu yo malam | bia kulik ambo kaliang | anak gadih banyak nan kirim salam - @KibalMhd


7. naiak buaian kaliang | jan lupo pakai kaco mato | Bialah uda kaliang | nan penting adiak cinto - @Raviesme


8. Si ucok naiak ka loteng | maambiak Baliang baliang bambu | cari cowok ndak paralu yang ganteng | bialah kaliang asa lai elok laku - @dwithandriani


9. Uok taruang jo uok labu siam | di masak di panci nan kaliang | pulang masajik tapaso bakaki ayam | dek tarompa kanai maliang - @PanglimaKelam1


10. Baliang Baliang Di Ateh Bukik | Baputanyo Madok Ka Tabiang | Kaliang Kaliang Gadang Caringik | Ma Otanyo Sabana Satiang - @yunanda86


11. Ka payokumbuah mambali karak kaliang | di sabalah urang manjua gulo | Bialah jo baliang-baliang | asa lai dingin juo – @diLimahpuluhkota


12. Si kaliang pai ka bukik | Tibo di bukik manangkok karo | Dek a lah kini badan acok sakik | Hati taibo karano jomblo - @BramNasrul


13. Pai ka pasa urang Kaliang | Bali bumbu pamasak samba | Bulan puaso jan makan dagiang | Karano hargonyo sedang maha - @wendysukmajaya


14. Babuko jo karupuak jariang | dicampua jo daun sago | Bialah awak kaliang | tapi calon panghuni sarugo - @OtaG3AD


15. karupuak banamo karak kaliang | dimakan samo jo kue donat | tarumuak raso uda bapaliang | ulah dek kawan nan bakhianat - @rizkaprima


16. tatontong kalamai jaguang | tagunda gunda kacambuang basi | malang bana nasib rang kaliang | sampai kini alun babini - @EndaScounDrel


17. Gulai jariang masak hari kamis | sakilo latak di lapau | Lai mah kaliang tapi eksotis | daripado putiah banyak panau - @FerdiAntAciak


18. Karak kaliang urang bukitinggi | badaruak badarai pulo | kok dak dapek kandak nan dihati | usah dirusak nan lah ado - @chaililul


19. siapa bilang balimbiang tak masam | alah masam baulek pulo | siapa bilang mimin ndak Kaliang | alah Kaliang bakilek pulo - @dhegorro


20. kapasabawah bali balimbiang | singgah sabanta di pasa banto | biapun abang hitam kaliang | adiak tarimo ajo apo adonyo - @Silussy


21. Jariang bukan smbarang jariang | jariang dibali dari moskow | kaliang bukan sumbarang kaliang | bia kaliang tapi banyak nan follow - @Chrismondarl


22. Kampuang Kaliang di Piaman | Urang India Sinan Tanamo | Modeko Parasaian Badan | Lah di Tangan Lapeh pulo - @yunanda86


23. Karupuak jangek sapiriang | Koq ka dimakan ari alun sanjo | Bialah kulik ambo ko kaliang | Asa bisuak ko lai disayang jo mintuo - @PanglimaKelam1


24. Makan miso jo karak kaliang | Indak joleh baa rasonyo | Bulan puaso usah bagunjiang | Kok nak takuik masuak narako - @wendysukmajaya


25. tasasek di dalam rimbo | @infoSumbar tampek batanyo | si kaliang dek a mangango | Manunggu si Hari Rayo - @_sryd


26. Si gaga kuliknyo kaliang | bapaneh-paneh badan tabedo | baa ndak ka paniang | babuko tibo samba tiado - @arif_fahtuhr


27. main bola di ladang jariang | dari payakumbuah mambali batiah | banyak na urang mangecekan ambo kaliang | bali bayclean bia putiah - @cool_rif


28. Raun-raun ka pasaman | Singgah dulu di kinali | Jadi kaliang yo menyenangkan | Tapi susah dijalani - @ShaqJuventini


29. hari minggu pai ka padang | pas dijalan nampak siamang | bia kaliang tapi rajin sumbayang | pahalo dapek ati pun sanang - @arifdotkom


30. Ramadhan bulan berkah | Mari pabanyak pahalo | Kulik kaliang kini ndak masalah | Sajak photoshop jadi solusinyo - @Bukan_Ariell


31. sakaliang-kaliangnyo siamang | tp inyo rajin sumbayang | dari dakek uda bantuak umang-umang | tapi aslinyo mirip coky sitohang - @YIP__


32. Baa ka indak kulik nyo kaliang | tiok ari bapaneh manggaleh sapu lidi |baa ka indak paniang | mancaliak skripsi ndak jadi-jadi - @ajinajib


33. Si kaliang yo babahayo | Bajalan hilia ka mudiak | Kama painyo bulan malam ko | Kironyo pindah ka mato adiak - @ShaqJuventini


34. jalan-jalan ka kampuang kaliang | di tangah jalan nampak urang berang-berang | biapun utak kurang santiang | yang penting usaho sorang - @dhilaFika


35. mba ikan gulai paku | Kaliang makan sampai bapaluah | Bimbiang tangan ka panghulu | Tando cinto uda lah panuah - @ShaqJuventini

Posted by infoSumbar on 4:14 PM in +PantunMinang , infoSumbar , pantun minang

Kumpulan #PantunMinang Edisi “Daun Kacang"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (10 Juli 2013) #PantunMinang nyo diagiah tema “Daun Kacang” [/sws_pullquote_left]

1. Daun kacang dibuek cincau | dimakan dek urang talang | baa hati ndak ka galau | hari rayo ndak bisa pulang - @itsMeReynold


2. Anak ruso di tangah rimbo | bagaluik galuik di daun kacang | co iko bana raso puaso | urek paruik kandua urek mato tagang - @ian_thile


3. angek2 si kayu bakar | kito lampih jo daun kacang | tarimo kasih hai @infoSumbar | hati sanang dek #PantunMinang - @costan_rider


4. Kok babuko jo aia daun kacang | jan lupo pakai galeh | kok paruik alah kanyang | siap-siap pai taraweh - @tegar_tionanda


5. Babuko pakai aia daun kacang | awuih lapeh paneh dalam hilang | kok taragak rayo di kampuang | rajin-rajinlah dari kini manabuang - @healtriaSF


6. Daun kacang warnanyo hijau | banyak manfaat untuak kesehatan | kok dunia mambuek dunsanak galau | co cubo baco ayat suci alquran - @Beebybeh


7. Daun kacang diateh kuali | dimakan dek buruang barabah | Kalau ka manjadi calon pak wali | jan sampai tungkek mambawo rabah - @aid_destination


8. daun kacang ubek batuak | tumbuah di laman rumah siti | baa badan ndak ka gapuak I dek ado adiak panyanang hati - @iRay_Vando


9. Lapa paruik nasi basanduak | tangan dilap jo daun kacang | bia lah batahan raso kantuak | supayo bisa ikuik ba #PantunMinang - @papiiwan


10. Daun Kacang di dalam Boto | Di Raciak jo Aia Limau | Bulan Baiak Alahnyo Tibo | Mari Kito Ramikan Surau - @yunanda86


11. hari rabu urang puaso | rami urang mancari daun kacang | kok lah tadanga sirine tando babuko | nasi lansuang habih sagantang - @papiiwan


12. aia aka pakai daun kacang | tambah jo asam santiang rasonyo | kalau sanak tnggakan sumbayang | narako juo tantanganyo - @rafihamd


13. Daun kacang sgaleh gadang | bae babuko auih ilang | manitiak aia mato d rantau urang | sahur babuko ndak dapek pulang - @danyandhika12


14. Jan risau kok sadang luko | buliah diubek jo daun kacang | Tabulalak mato katiko ka babuko | caliak lauak dlarian kuciang - @ie_moet91


15. daun kacang lamak di santuang | kok lado rasonyo padeh | puaso kini acok tamanuang | dek rindu jo kampuang indak lapeh - @BimaNugraha23


16. daun kacang banyak di ladang | dibawok ama samo sepeda | hatiko makonyo sanang | maliek uda ala wisuda - @fitriaarifha


17. daun kacang daun pucuak ubi | dimakan kambiang balang kaki | hati sanang dek dapek piti | paliang santiang dibalian kopi - @baduatay


18. Daun kacang pambungkuih lamang | Lamang dibaka jo kayu lapuak | Lai puaso tapi ndak sumbahyang | Ibaraik manimbo jo embe tabuak - @astrocio


19. Kaparak maambiak daun kacang | painyo sambia bajalan | jan babuko se yang kancang | tarawiah jan ditinggaan - @AjiPutraR


20. Babuko jo mantimun | Tambah jo uwok daun kacang | Daripado awak malamun | Rancak pai sumbayang - @arifdotkom


21. Daun kacang daun semangi | Dibaok dek urang solok | Alah sumbayang alah mangaji | Kini marilah kito lalok - @BramNasrul


22. Daun kacang di padang laweh | dimakan luwak di tapi kali | baa dak sanang pai taraweh | pulang-pulang wak sobok pujaan hati - @hamdanyzainul


23. Daun kacang tumbuah di ladang | diambiak urang muaro peti | mancaliak urang ba #pantunminang | hilang luko di dalam hati - @HaibaraDia


24. Ka rimbo mancari daun kacang | tibo di rimbo dipantak kapasan | nasib yo lah malang, awak ka sahur urang lah adzan - @NickoGumbz


25. Daun kacang pucuak parancih | samo diambiak untuak di gulai | bara kasanang hati nak gadih | calon imamnyo rajin mangaji - @c_chiwid


26. Baiak ditanam Si Bungo Rayo | Sabarih Tumbuah jo Daun Kacang| Niaik Sabulan Bapuaso | Abak jo Amak Ampunkan Bujang - @yunanda86


27. Daun kacang daun sikaladi | babeda-beda kagunoannyo | kalau dunsanak rajin mangaji | insya Allah banyak pahalo - @jeffryszn


28. dari kota handak ka dusun | kamalah karuang ka dikirim | disiko kito duduak bapantun | untuak mampaarek silaturrahim - @faidilMTempur


29. Tek tina mambali daun kacang | dimasak samo samba lado | apo gunonyo mambaok motor kancang-kancang | kalau jok balakang kakosong juo - @LinggaArza


30. susahnyo babadan kuruih | hampiang sarupo jo daun kacang | sangajo bajalan cok patuih | supayo jan maloroh si kain saruang - @papiiwan


31. Daun kacang palarai peneh | paubek paneh tuo jo mudo | kok berang hati jan paneh | karano kito samo bapuaso - @luckezarmen


32. Kama ka dicari daun kacang | di Kairo indak basobok | koq babuko jan sampai kanyang | Tarawiah beko dibaok lalok - @Twitsiassa


33. daun kacang di parak pario| pario diabuih paik rasonyo | co iko bna rso jatuah cinto | aia putiah raso karambia mudo - @ridhoank19


34. di halaman ado daun kacang | ka di uok untuak makan nasi | ndak takana ado #PantunMinang | dek sibuk jo skripsi - @ariesta_ferline


35. Jambu paraweh dalam kulah | ka dimakan di hari jumat | taragak taraweh maso sakolah | basasak mancatat jo mintak tando tangan ustad - @FaRaziYandri


36. daun kacang dipaganyo | diambiak jikok paralu se | sabanalah kawan namonyo | awak dijadian tukang ojek se - @ffidzz


37. Daun kacang dibuek aia slengkong | lamak diminum dtangah hari | marilah kito bagotong royong | mambangun kampuang jo nagari - @jeffryszn


38. Daun kacang dalam boto | Santan putiah disampiangnyo | Usah bangga dek manih rono | Ndak tarawiah a gunonyo - @ShaqJuventini


39. pasan samba pkai daun kacang | makan nasi sapiriang baduo | jatuah badan tatilungkuik tatilantang | petak ikua disipak dek kudo - @papiiwan


40. Jelo Manjelo si daun Kacang | tumbuah Rimbun di ateh atok | Nan Mudo-mudo Usah Batanggang | Isuak Sahur Namuah Takalok - @yunanda86


41. Daun kacang daun rumbio | Diambiak dihari sanjo | Badabuak hati di dado | Manunggu tunjangan hari rayo - @ifzan_qwerty


42. Daun kacang di masak dalam kuali | dimakan d waktu sahur | yo sabana bakurang jua bali | yang penting tetap bersyukur - @Aerio83


43. Pucuak ubi jo daun kacang | dibali di pasa usang | pitih abih galeh tauncang |tanangkan hati jo #pantunminang - @yudikitiank


44. Daun kacang dibuek sayua | Ubi kayu manjadi sanjai | siang hari badan ko layua | siap babuko mato takulai - @13yeffi


45. Daun kacang dibuek atok| atok lah bolong dek pancilok | #PantunMinang yo sabana lawak | Mato takantuak jadi tabalalak - @Riskiandrariniii


46. Daun kacang baserak-serak | dibaok tabang jo daun pisang | yo ndak jadi lalok krno galak | asik mambaco #PantunMinang - @Riskiandrariniii

Posted by infoSumbar on 8:28 PM in +PantunMinang , infoSumbar , pantun minang

Kumpulan #PantunMinang Edisi “Hujan di Mudiak"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (4 Juli 2013) #PantunMinang nyo diagiah tema “Hujan di Mudiak” [/sws_pullquote_left]

1. hujan di mudiak yo sabana labek | sampai taganang aia di labuah | cinto adiak yo sabana pakek | sampai lalok pun ndak bisa bakaruah - @Angga_arrya


2. Patang ari ujan di mudiak | aia sampai ka pintu koto | jikok uda uda bakalang lapiak | tibo di adiak bakalang cinto - @syahrul_gsc


3. Sungguah labek hujan di mudiak | Baniah di sawah taganangi | Bialah ketek akanyo cadiak | Kupiah nan santiangnyo turuni - @yunanda86


4. Jan camehkan hujan di mudiak | Lamo lambek ka taduah juo | Jan camehkan harago naiak | Lamo lambek ka barasaki juo - @yunanda86


5. hujan di mudiak batang ombilin | gadang aia nan di muaro | tangan adiak lah mamakai cincin | urang mano nan mamakaikanyo - @lathi_fathful


6. hujan di mudiak katiko sanjo | Yo lamak kalau wak makan miso | Oiii sanak kasodonyo |mohon Maaf awak ka puaso - @aroma_jantan


7. Labek lah hujan di mudiak | nak baraia sawah di taruko | Sabanta lae masuak bulan baiak | jan sampai ado nan tingga puaso - @preldi


8. Kamanyiram bungo di halaman | galok di hulu hujan di mudiak | dek apo Uda galigaman? | mangunyah tarompa kok basobok jo adiak - @onlyfitri


9. labek hujan di mudiak | taganang aia di pabrik | patuik lah uda bergetar mancaliak adiak | kiro e nan tapacik si kabel listrik - @CaaLmayda


10. hujan di mudiak tapaso ditampuah | patuih kareh pakok talingo | bialah kito alah putuih | kalo kangen smsan juo - @nandagusra


11. lah labek hujan di mudiak | Ndak usah pai mandi-mandi | baa uda indak tacakiak | tiok hari makan tempe jo nasi - @T_Wibisono


12. bialah hujan di mudiak | bia nak tumbuah si rumpuik banto | antah boco antahlah cadiak | ka subalah rumah nyo bae naiak oto - @CaaLmayda


13. Hujan di mudiak hari sanjo | pai bakawan bali soto | Hari rayo capeklah tibo | nak dijalang calon mintuo - @afifahdwiputrii


14. sapayuang baduo di simp. Gia | hujan di mudiak digin raso nyo | kita songsong hari bahagia | saiyo sakato baduo – AnggaOrlando3


15. Hujan-hujan di mudiak | di hilia galodo pulo | ndeh, alah tu mah diak | uda jan digantuang juo - @fandifirsta


16. Hujan di mudiak disiko kariang | bilih mati di bae batu | baa utak indak ka paniang | pitih uda abis ndak manantu - @venyprima


17. Hujan dimudiak hari patang | tinggi sawah dek pamatang | Kama adiak salamo ko mailang | apokah adiak masih surang - @okkyprasetia


18. Ndeh baa kok di mudiak hujan? | Denai ka pai, indak jadi | Ndeh apo nan kawan pikiaan? Tangah malam disangko pagi - @Arkanezt


19. hujan dimudiak dimalam hari | nan di hilia kapanehan | #pantunminang selalu dinanti | paubek taragak jo kampuang halaman - @DhandyTramixs


20. Hujan di mudiak sabana labek | Bataduah di lapau mamak | Dek mato alah barek | Mari kito lalok lamak - @zelvi_s

Posted by infoSumbar on 9:14 PM in +PantunMinang , infoSumbar , pantun minang

Kumpulan Pantun Minang Edisi “Lapek Bugih"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (26 Juni 2013) #PantunMinang nyo diagiah tema “Lapek Bugih” [/sws_pullquote_left]

1. kue talam jo lapek bugih | lamak dimakan basamo samo | bialah itam asal lai manih |yang penting indak jomblo - @nandagusra


2. makan malam jo lapek bugih | di makan barami-rami | ndak taraso pitih lah abih | tapaso kini makan mie - @wanabhud


3. Palai bada lapek bugih | dibaok lari dek buruang beo | Maso kini rajin cipitih | bia sanang di maso tuo - @unidya


4. Lapek Bugih Kawan jo Kopi | Kawan Batigo Karupuak Lado | Ketek Manih Alun Balaki | Buek Alek Bulan di Muko - @yunanda86


5. Mancari cindua untuak kawan babuko | Apo dayo lapek bugih nan basuo | Jikok lah hujan labek kayak giko | Jadi takana maso sapayuang baduo - @astrocio


6. Ramo ramo dalam padati | lapek bugih dalam katidiang | Samo samo kito mananti | hari kito jalan baririang - @hamdiirza


7. Lapek bugih jo lapek sagu | dimakan anak rang subarang | dapek gadih suko balagu | dimalah hati indak ka sanang - @firdamar34


8. lapek bugih lapek sagan | dimakan sakali duo | jodoh jo rasaki di tangan tuhan | jan digalauan tapi badoa jo usaho - @e_gie23


9. Lapek bugih dibungkuih koran | dimakan bakawan jo fanta | Mode tu yo efeknyo LDR-an | basah henpon diidu tiok sabanta - @PanglimaKelam1


10. Yo lamak si lapek bugih | lapek barisi gulo merah | mancaliak adiak nan sabana manih | badak taba bibianyo merah - @jeffspallanzani


11. kue talam lapek bugih |di kadai ajo rasonyo coga | ndak taraso badan lah abih | dek mangaja si topi toga - @BimaNugraha23


12. Lapek bugih jo nagosari| Saribu dapek duo| Alah panek adiak mancari| Uda kanduang ndak kunjuang tibo - @afifahdwiputrii


13. Lamak-lamak si lapek bugih | Lamak juo pisang panggang | Sambia galak ambo manangih | Mato kuliah banyak nan maulang - @afifahdwiputrii


14. abalun barangkek sakolah | sarapan lepek bugih | bialah kapalo solah | asal lai banyak pitih - @Aerio83


15. Iko namonyo si lapek bugih | sero di makan jo katan goreang | ondeh kamek si anak gadih | tapi sayang kancang ka kepeang - @Ranggantengboco


16. lapek bugih lapek sagan | bakawan jo katan goreng | adiak manih uda pasan | jago badan jan pakai rok senteang - @Wansiddy


17. Lapek bugih jo kue talam | dimakan jo kawa daun | Dek cinto ka adiak alah mandalam | uda sampaikan jo bapantun - @VeldITenoneT


18. tangah hari bajojo lapek bugih|lapek taserak dilando oto|dlm hati uda lah manangih|dek adiak baok bagarah juo - @uncu_mada


19. Ka kadai bali lapek bugih | Kadai ado di batang arau | sabana sanang punyo anak gadih | Tiok sanjo rajin ka surau - @dawelejunior


20. Pai manggaleh ka Jakarta | manjua lapek bugih jo sala bada | muncuang payah dibaok maota | Dek lipstick nan talampau taba - @unidyaa


21. Lapek bugih dijojoan jo pakiak | Dek karehnyo malayang sipatu | Samanjak harago BBM lah naiak | Motor hanyo jadi pangganja pintu - @astrocio


22. makan karupuak roda jo lapek bugih | minumnyo kawa daun | kalau angku indak bapitih | jan ongeh lo pai raun-raun - @rainbowstickk


23. Taragak makan lapek bugih | Alah dicari ndak dapek juo | Usah adiak manangih | Siko uda lap salemonyo - @Bukan_Ariell


24. Lapek bugih dijojoan si reni | balilah capek bia indak busuak | Eloklah kito barusaho kini | daripado kito manyasa bisuak - @ozzyrama


25. lamak nyo cimangko samo sampelo | disantuang juo lapek bugih campua katan | lah dakek ka puaso | maaf kan kalo ado doso yo kawan - @AnggaOrlando3


26. Katik endah baburu babi | pai baburu ka piladang | Iko namonyo lapek bugih | kuliner asli dari minang - @hamdiirza


27. Lapek bugih jo goreng pisang | dimakan basamo jo sarikayo | baa hati indak ka sanang | bini rancak mintuo kayo - @Noziagustian


28. lapek bugih di pasa baso |dmakan urang panjua salak |sabana rancak pantun malam ko |sampai tajatuah gigi dek galak - @gheizy_oe


29. Lapek sipuluik lapek bugih | dijua urang ka Piaman | duduak surang denai manangih | takana untuang jo parasaian - @onlyfitri


30. lapek bugih | lamaknyo dimakan basamo samo | kok galeh alah abih | alhamdulillah lai balabo - @zikra_alpra


31. Lapek bugih dibao ka banduang | nan dipsn dinda malongko | Bukak pangana jo hati diak kanduang | indak kepeang se doh di duya ko - @PanglimaKelam1


32. Lapek bugih lapek sipuluik | dijua urang di pasa pagi | kok mangecek jagolah muluik | jikok bajalan jagolah kaki - @jeffspallanzani


33. Ka lapau bali lapek bugih | Pitih balabiah bali talua | enek sabalah rumah lah heboh manangih | Sadang makan gigi palsu talulua - @afifahdwiputrii


34. lapek bugih jo lompong sagu | rami di bali anak tarusan | susah bana maubah laku | sasa taruih di kamudian - @redhoyp


35. Lapek bugih dijua urang | awak bali makan jo katan | kok jampang bisuak iduik sanang | jan lah lupo jo daratan - @preldi


36. Gara si lapek bugih | lupo urang jo durian | kok lah tibo di bunguih | jaan lupo ka tarusan - @redhoyp


37. Bubua itam lapek bugih | dimakan dihari pagi | denai diam bukannyo bangih | tapi Sadang sakik gigi - @imahfahmi


38. lapek bugih jo lapek pisang | dimakan dek urang gantiang | Jo denai uda basayang | jo urang lain uda basandiang - @ariani11nova


39. Lapek bugih dimakan lamak | Dingin dingin buek marindiang | Dek marantau rindu jo amak | Tapaso di kos garuak-garuak dindiang - @Mrasri


40. srapan pagi jo lapek bugih | sambia mandownload bagiga-giga | gaek alah bangih-bangih | dek alun juo mamakai toga - @yogiemirza


41. Bali tapuang buek lapek bugih | caliak uni sadang mangango | ba a hati indak manangih | awak sak ciik nyo maota juo - @GempitaLara


42. lapek bugih lamak rasonyo | dimakan waktu masih angek | anak gadih alah tu onlinenyo | kanai berang beko dek gaek - @rgniati


43. Lapek bugih dibungkuih daun | dimakan gabuang jo kue talam | adiak manih parangai santun | buek ndak lalok 3 hari 3 malam - @bu_yuik


44. pohon duren babuah pinang | lapek bugih makan jo kanji | panuah timeline dek pantun minang | agiih taruih sampai pagi - @Nicco_Kurniawan


45. Ka pasa bawah bali lapek bugih | lapek manih baisi gulo | Bantuak itulah kalau ubek habih | galak-galak surang cando urang gilo - @hzvengaence


46. lapek bugih dimakan jon pantau | bamakan di lapangan | bilo uda pulang dari rantau |alah batalua denai manunggu pinangan - @tifaniirdi


47. Lapek bugih ka lapek bugih | lapek dibuek dek urang samarinda | ba'a awak ndak ka manangih | antah bilo ka wisuda - @at_agung


48. iko namonyo lapek bugih | itu namonyo lamang baluo | Badan lah tandeh pitih lah habih | nan adiak manolak juo - @iniRickRick


49. Lapek bugih sabana lamak | apolai dimakan di malam hari | sadang manangih nyo bae galak | mancaliak kambiang dikaja jawi - @yudikitiank


50. Siang siang makan lapek bugih | Dimakan di ateh surau | Hiduik di rantau indak bapitih | Bak cando rokok indak batimbakau - @AnakRantauMng


51. Lapek bugih asam cuko | dimakan campua pakai katupek | dari semester partamo denai suko | alah ka Koas alun juo dapek - @Yelly7393


52. Lapek bugih bagulo lawang | Gulo lawang sirah warnonyo | Pitih habih, harato lah tabang | Namun adiak lapeh juo - @Rinto_114


53. Lapek bugih bacampua kolak | makan baduo sambia bajalan | lah sakik paruik dek galak | ndak taraso kalua kajamban - @IhsanArrab


54. Lapek bugih jo lapek sagu | kaduo lapek badendang-dendang | Badarai tangih di ateh pagu | badan di rantau takana pulang - @hendrisajaa


55. kok ado urang batanyo,lapek bugih jan diagiah gulo. Awak miskin inyo kayo, cinto lah habih sabalun bamulo - @iniRickRick

Posted by infoSumbar on 12:41 AM in +PantunMinang , infoSumbar , pantun minang

Kumpulan #PantunMinang Edisi “Singkarak"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (5 Juni 2013) #PantunMinang nyo diagiah tema “Singkarak” [/sws_pullquote_left]

1. Angku sati manggaleh bilih | bilih ditangguak dari singkarak | Baitu bana sansai mancari pitih | abih karingek paluah tacelak - @hamdiirza


2. singkarak kotonyo tinggi | sumani mandado dulang | awan bararak den tangisi | badan jauah di rantau urang - @willpane


3. masuak an sayua ka dlm keranjang | utk mangaja ka Singkarak | pertamo mangaku bujang | ruponyo bini e alah banyak - @sandi_dara


4. Danau Singkarak jo maninjau | danau indah di kampuang kito | alam rancak hutan hijau | marilah samo kito jago - @imahfahmi


5. Katik endah dari paninggahan | banamo nagari salingka singkarak | Kok lah diikek pernikahan | nak daro jo marapulai pai bararak - @hamdiirza


6. Jalan-jalan ka batusangka | singgah sabanta ka singkarak | Ondeh jomblo yo lah hilang aka | Makan malam jo nasi karak - @afifahdwiputrii


7. Di singkarak ado ikan bilih | rang Suliki mambawo sugi | dimano pun sanak cari pitih | nan rasaki jan lupo dibagi - @uda_adam


8. Mangai jauh ka singkarak | indak kamungkin mandapek baluik | Bialah badan kito bajarak | asal hati lai batauik - @BangBoco


9. Rancak bulunyo siburuang merak | dibao urang dari suliki | sajak dimulainyo @tourdesingkarak | nagari awak acok klua ditipi - @yondanil


10. pai baranang ka singkarak | ruponyo hari hujan patuih | baa coiko bana nasib awak|baru jadian alah putuih - @nandagusra


11. Kota solok dakek singkarak | barehnyo lamak dimakan | Kok ado musuh maajak bacakak | indak dicari tapi pantang diilakan - @LinggaArza


12. Lamak rasonyo bilih singkarak | makannyo jo bareh solok | Kandak hati ndak ka bararak | apolah dayo kito ndak cocok - @hamdiirza


13. Tour de Singkarak di Indonsia | Tourde France di Prancis | Basihoyaknyo mangayuah sapeda| Ntuak mancliak Bumi Minang nan eksotis - @yunanda86


14. kasolok naiak becak | singgah mandi di singkarak | lah jo aia mato uda manembak | kok uda adiak lakak - @SungaiPuaNagari


15. Di maninjau ado palai rinuak | di singkarak ado ikan bilih balado | Kok hati lah tacucuak | ramuak raso di dalam dado - @hamdiirza


16. Di Singkarak ikannyo bilih | Di Maninjau ikannyo bada | baa ndak ka rami anak gadih | Nan mangayuah sepeda uda-uda - @AnofZuldian


17. Rami aleknyo Tour de Sinkarak | raminyo dek anak mudo-mudo | baa ati ndak kasamak | nan ijazah ko alun juo dapek juo - @PangeranAnkga


18. alek gadang Tour de Singkarak | rami urang nan mananti | tibo rombongan kito basorak | gadang hati jo nagari - @papiiwan


19. Pai balimau ka Singkarak | Lupo mambaok sabun | Payo wak mulai bagalak-galak | Dipantun babaleh pantun - @kaviadilah


20. yobana rancak danau singkarak | aia nyo subana tanang | bialah makan jo nasi karak | yang penting hati sanang - @AnakMudoPiaman


21. ka singkarak mancari bilih | bilih dimasak jo lado ijau | adiak sayang usahlah manangih | hari rayo uda pulang dari rantau - @AdrianFumi


22. Cubolah bao lapiak | untuak dibantang ditapian singkarak | Bukan uda manolak adiak | tapi hati uda lah talonsong ka anak mamak - @BangBoco


23. Danau singkarak bakelok jalanyo | jan lupo lambek-lambek baok oto | adiak lah mode urang gilo | dek acok talantuang kapalonyo - @T_Wibisono


24. Bajalan dari koto baru | Nak taruih ka danau singkarak | Sajak mantan bapacar baru| Satiok malam bamimpi buruak - @ifzan_qwerty


25. malalo danau singkarak | di padang panjang kito basuo | baduto jo amak abak | alamaik hiduik akan binaso - @fandibegenk


26. pai makan kasingkarak | makan jo gulai cubadak | ba badan ndk kabakarak | kadang lai mandi kadang indak - @yudikitiank


27. Bakelok jalan ka maninjau | luruih jalan ka Singkarak | elok-elok urang di rantau | labiah elok urang awak - @imahfahmi


28. Singkarak ado baringin | maninjau punyo cemara | walaupun adiak barangin | tapi uda tetap setia - @LinggaArza


29. Ka singkarak bali palai bada | tibo disinan taragak rakik kacang | bilolah awak ka wisuda | lah tabaok mimpi dari kapatang - @ariesta_ferline


30. Pai raun ka singkarak | tibo disingkarak hari ujan | baa badan ndk ka rusak | sadang basayank uda batingaan - @mitrajohan


31. Bareh solok kota tanamo | ka singkarak singgah dahulu | Kok hiduik lah mulai tanamo | jan dilupo kawan nan dulu - @dawelejunior


32. Danau yang rancak yo singkarak | walau indak sagadang lauik | anak doro marapulai yang diarak | ndeh jomblo alah mambuduik - @LinggaArza


33. Kok mandi-mandi ka singkarak | jan lupo bali ikan bili | kok denai buliah mamintak | baok denai ka angku kali - @Bee_Patreci


34. Singkarak aie nyo janiah | riaknyo kancang manjalang sanjo | jikok dapek pintak ko buliah | adiak juo nyo nan jadi pamenan mato - @ryogindo


35. orang gilo banyak di gaduik, jalo takambang manyari ikan | walaupun uda acok tasuruik kalo sayang ka di pangakan - @AkangBakso

Posted by infoSumbar on 5:48 AM in +PantunMinang , infoSumbar , pantun minang

Kumpulan #PantunMinang Edisi “Bakalam-kalam"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (19 Juni 2013) #PantunMinang nyo diagiah tema “Bakalam-kalam” [/sws_pullquote_left]

1. Makan malam bakalam-kalam | nasi disanduak tasuok tido | pasan sampaikan jo buruang balam | bakeh adiak nan denai cinto - @wendysukajaya


2. Hilang Kalam Timbua Palito | Candonyo Tarang Nan Taukia | Siang Malam Raso Manyeso | Candonyo Utang Alun Tabayia - @yunanda86


3. dek gara-gara lampu mati | tapaso bakalam-kalam se lai | dek gara-gara indak bapiti | tapaso makan kue talam se lai - @ariesta_ferline


4. payah mancari bakalam-kalam | mancari topi baraso-raso | karano hari alah malam | minum kopi yo malapeh salero - @PantunDigoyang


5. Bakalam-kalam dahulu | batarang-tarang kamudian | Basalam-salam kito dahulu | basayang-sayang kito kamudian - @Lin_aquatic


6. Bakalam-kalam kita dahulu | batarang-tarang kamudian | bajomblo-jomblo kito dahulu | babini banyak kamudian - @irwankoto


7. Bakalam-kalam malantuang bakso | Sampai kuahnyo bacampua salemo | Ndak tantu nyo urang ka puaso | BBM ko tega nyo naiak an juo - @astrocio


8. Bakalam_kalam di mrapalam | malam-malam makan kue talam | adiak rancak mari kito basalam | bia kito kenalan labiah dalam - @hr_pinturicchio


9. Kalam Bakalam Pancaliak an | Tampak Hanyo Sakileh Mato | Salam Basalam Tolong Sampaikan | Bakeh Mandeh Nan den Cinto - @yunanda86


10. Bakalam kalam di malam tarang | ndak taraso hari alah siang | malang bana nasib si bujang | lalok di lua bakain saruang - @PangeranAnkga


11. Pai ka ladang bakalam kalam | jan lupo mamanen pinang | yo sabana lamak si kue talam | makanan khas urang minang - @dawelejunior


12. Maisok rokok bakalam kalam | duduak santai di palataran | Dek ulah arok mandapek balam | punai di tangan balapehan - @agungkapau


13. Bakalam kalam rumah inyiak | dek talampok batang asem | Jiko BBM jadi naiak | biaso mambali bensin kini mambali balsem - @LinggaArza


14. Bakalam-kalam dimlam langang | rokok sbatang pangganti kawan | kok badai amuaknyo alam | tando harus berbenah sabalum ramadhan - @77Ega


15. yo santiang si urang solok | alun takilek lah takalam | Kini mato lah ndak namuah lalok | dek mancaliak adiak tadi malam - @iniRickRick


16. Bakalam kalam katiko bajalan | sampai mailia paluah jo salemo | Oi kawan nan ado di pasaman | ambo taragak kito mangopi basamo - @PanglimaKelam1


17. Mati lampu dimalam hari | bakalam-kalam agak sabanta | hargo BBM lah naiak tinggi | awak tapaso kayuah sapeda - @taufikengineer


18. Kue talam kue apam | ciek kurang tigo balabiah | kulik uda bukannyo kalam | kulik adiak nan talampau putiah - @kapuyuakkloting


19. Pai jlan bakalam kalam | jalannyo pakai onda | Taingek wakatu 15 taun nan silam | Adiak manangih dek tasungkua di banda - @hr_pinturicchio


20. bakalam-kalam mambuek janji | sambia tagak di baliak puso | malam-malam danga urang mangaji | jadi taragak bulan puaso - @PantunDigoyang


21. Bakalam kalam mancari kawan | kawan dicari banamo pak uo | Tugas kuliah dikarajoan | pantun minang dipikia juo - @LinggaArza


22. Bakalam kalam uda jo uni | ndak tau koq di sampiangnyo ado buayo | Simpel se kriteria calon bini | bialah rancak asa lai kayo - @PanglimaKelam1


23. Kalam bakabuik di bukiktinggi | tandonyo patang lai ka manjalang | Salam basambuik di ungkik lai | tandonyo sanang lai ka datang - @Ujihafidz


24. mati lampu pas sadang baraja | lilin diiduikan sabatang ciek | dek bakalam kalam mancari samba | ikua pariuak nan taesek - @papiiwan


25. Pai ka surau bakalam kalam | handak mangaji jo angku aji | kini badan acok mandamam | ubeknyo uda jo angku kali - @tilofa


26. bakalam-kalam mancari piti | piti didapek di ateh meja | sabana barek raso hati | tiok ditanyo bilo wisuda - @ie_moet91


27. Bakalam-kalam dirumah anduang | tapuang di abuih namonyo cilok | titip salam dari banduang | denai taragak pulang ka solok - @_itsMeReynold


28. bakalam2 mnangkok jalak | jalak dtangkok ddalam parak | tapanca kantuik dek manahan galak | mancaliak uda sarawanyo kuyak - @ie_moet91


29. kalalok ndak bisa kalam-kalam | ambiak criket iduikan lampu togok | caliak pagi lubang iduang alah itam | alah sarupo jo asbak rokok - @nandagusra


30. bakalam kalam mkan bakso | bksonyo d baok urang k mudiak | disangko klakson puso | kironyo bunyi kantuik adiak - @farrazRaik

Posted by infoSumbar on 5:44 AM in +PantunMinang , infoSumbar , pantun minang

Kumpulan #PantunMinang Edisi “Banang Sahalai"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (29 Mei 2013) #PantunMinang nyo diagiah tema “Banang Sahalai” [/sws_pullquote_left]

1. Banang sahalai pantun nan disuruah | Paniang denai mancari kato2nyo | Apo pun isinyo terserah | Den cuma paduli jo hastagnyo - @AtaurRazaq


2. Banang sahalai diputa-puta | Dirajuik tuak dijadian sajadah | Kini zamannyo emansipasi wanita | Kok adiak suko sampaianlah - @astrocio


3. Paga nan dibuek dari bilah | mambuek tasangkuik banang sahalai | mari kito baco bismillah | sabalun #PantunMinang kito mulai - @ie_moet91


4. Banang sahalai sadang diguluang | siap dipakai rang gadih pakau | sanang hati ndak tangguang | uda pulang nan dari rantau - @YanaAsmar


5. Banang sahalai kama ka dicari | untuak manjaik baju nan cabiak| cinto uda ndak akan taganti| walau dunia alah tabaliak - @chiechieutty


6. Banang sahalai bagincu sirah | payah ditagakkan dek basah | baa muko ndak ka merah | sapatu nan dipakai tatuka sabalah - @venyprima


7. Banang sahalai panjaik baju | tibo ka manjaik taraso maleh | Bilo indonesia ka maju | Jago se jam sabaleh - @Mrasri


8. banang sahalai yo lah lapuak | usah di pakai carilah ganti | jikok isi utak sadang manumpuak | #PantunMinang lah si paubek hati - @adhithoppus


9. banang sahalai bapilin tigo | dibali urang ditangah pasa | jiko adiak sabana cinto | elok katokan pado manyasa - @rland27


10. Iko kisah banang sahalai | dirantang panjang jo luruih | Oi uda baa den ndak ka pasai | tiok makan alasan dompet tingga taruih - @Nina_Azmi


11. Iko kisah banang sahalai | dirantang panjang jo luruih | Oi uda baa den ndak ka pasai | tiok mkan alasan dompet tingga taruih - @astrocio


12. kok kapeh jd banang sahalai | nan tabu manjadi aiah gulo | kok uda mlukoi hati denai |bialah denai cari gantinyo - @IndahDK93


13. Iduik jo banang sahalai | indak ka di baok mati | Adiak nan mamulai | adiak pulo nan mangakhiri - @BerryBenar


14. koa coki bacoki | banang sahalai panjaik nan cabiak | urang abih babini | nan awak bapanganapun indak - @nomsyifal


15. Banang sahalai di bao rang koto | tibo di pasa di bali urang | jikok hati sadang luko | mari kita ba #PantunMinang - @wanabhud


16. banang sahalai di baju si buyuang | nyo pkai sarawa pendek | di simp. alai denai tamanuang | mamikian uda bantuak koncek - @lengga_pradipta


17. Banang sahalai di ateh tapuang | Mak lapai babini tuo | Lah lamo denai nak pulang kampuang |Sampai kini tak kunjuang juo - @rahmat_tarmizi


18. Banang sahalai panggantuang diri | banang dikabek ka batang lado | oi upiak tolonglah sadar diri | baju adiak jan dipakai juo - @RiriEchoes


19. gulai jariang gulai patai | katigo gulai lalidi | adiak bakcando co banang salai | putuih antah jo apo ka pangganti - @Rikoanafi


20. Banang Sahalai untuak bwek baju | jo kain pun jadi salasai | kama hati nak kamangadu | skripsi ko alun juo salasai - @hansmuza


21. Bnang shalai bapilin tigo | Panyulam baju si anak daro | Oh tuhan dangalah doa ambo | Nak lunak hati pambimbing skripsi ko - @ifzan_qwerty


22. Banang sahalai usah lengahkan | Ntah ko paralu di kamudian | Oi pak dosen tolong tenggangkan | Ko maagiah nilai pakailah perasaan - @rulli_nymk


23. banang sahalai didalam peti | dicari dek urang tuo | cinto uda lai sapanuah hati | tapi adiak indak picayo juo - @DhandyTramixs


24. Banang sahalai ka tali layang-layang | di main anak rang subarang | satiok malam adiak tabayang | dak ulah jarak nan tabantang - @Jhell3R


25. banang sahalai dibaluik perak | puda banang dek lamo talatak | pai ka surau jo tarompa rancak | pulang dari sinan ba swalow buruak - @ikhsanharza


26. kapeh ka jadi banang sahalai | untuak pambuek kain saruang | ndak nampak dunsanak lai | gara-gara ameh sakaruang - @imunk_wae


27. ulah banang sahalai jarum patah | nan jarum baru babali | lah paniang bapikia susah | nan pantun ndak juo jadi - @Resdilla


28. Banang sahalai putiah warnanyo | di jaik ka baju biru | ushlah awak paniang kapalo | sabanta lai ka bulan baru - @pratama_winia


29. Kain dibuek dr banang | carano kaco usah di buang | kini banyak urang nan dalang | karano cinto nan di gantuang - @Dhefry_W99


30. Sibuyuang si banang sahalai | Anak rantau dari aia haji | Caro hiduik kini banyak nan sansai | Jan lupo sumbahyang jo mangaji - @Setiawannn_


31. Mari maracun si ulek lado | Tabang kaparak banang sahalai | Lai namuan uda jo ambo? | Kok indak rancak bana lai pegawai - @Nina_Azmi


32. Banang sahalai di pilin tigo | di pilin tigo pambuek jalo | alah paniang den di bueknyo | dek banyak kandak dari mintuo - @Ranggantengboco


33. dicaliak kawan duduak baduo | kironyo mamacik banang sahalai | dek kini tanggal tuo | cubo-cubolah cari nan perai - @ie_moet91


34. banang sahalai manjaik kain | banang putuih panjaik patah | nampak adiak jo urang lain | raso ka uda bae jo tarompah - @fandi_davisko


35. Anak gadih duduk baduo,, manjaik baju jo banang salai, nan kini iyo lah tanggal tuo,, tapaso makan jo kuah gulai - @randa_pratama93

Posted by infoSumbar on 5:36 AM in +PantunMinang , infoSumbar , pantun minang

Kumpulan #PantunMinang Edisi “Hari Raba'a Pukua Satu"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (22 Mei 2013) #PantunMinang nyo diagiah tema “Hari Raba'a Pukua Satu” [/sws_pullquote_left]

1. Hari raba'a pukua satu | sudahlah siang manuju patang | yo kedatangan adiak nan uda tunggu | sakali datang kok nagiah utang - @TaufiqIhsan


2. hari raba'a pukua satu | pai main ka pasa baru | kok mimin nio nyo ba'itu | cubo wak bukak pantun ko dulu - @faruqihsan


3. Hari raba'a pukua satu | Pasa ramai basasak-sasak | Indak ba'a bini bakutu | Asal lai pandai mamasak - @AbahJempol


4. Hari raba'a pukua satu | lai basarawa indak babaju | kalau salah tanyo ka guru | kok buntu baliak ka nan 'SATU' - @Ranggantengboco


5. hari raba'a pukua satu | pai ka padang pukua duo | kini amak punyo minantu | Insya Allah rancak budi bahasonyo - @candcandTJ


6. Hari raba'a pukua satu | pai ka sawah barami-rami | bialah pacar bantuak antu | asa santiang manyabik padi - @theandrean


7. Hari raba'a pukua satu | Besetop oto merek Harmoni | Indak ba'a bini bakutu | Asa kantuiknyo lai wangi - @AbahJempol


8. Hari Raba'a pukua satu | Pukua duo hari selasa | Walaupun ndak dapek babini ratu | Asakan dapek nan setia - @Ibnu_Abihi


9. Hari raba'a pukua satu | apak udin pai karajo| dek awak ndak katuju | nan hati urang di agak juo - @arrifyusr


10. Hari raba'a pukua satu | pai manyiang di sawah urang | lubang iduangnyo sagadang ampu | tapi banyak urang nan sayang - @hendrisajaa


11. Hari raba'a pukua satu | adzan zuhur dikumandangkan | kama denai kamangadu | kapado Allah SWT kito basujudkan - @nandagusra


12. Hari rabaa pukua satu | Pai ka kadai bali camilan | Eyang subur nan gaek-gaek mode tu | Baa kok bisa bini e sambilan - @Beebybeh


13. Hari rabaa pukua satu | pai mamanciang si ikan patin | jikok ibuk cari minantu | ambo siap lahia batin - @jeffspallanzani


14. Alah siang alun makan | hari raba' lah pukua satu | Bia denai mantan preman | nan sumbayang nomor satu - @Ranggantengboco


15. Hari rabaa,pukua satu | buruang inggok di dahan | ciek se nan dari adiak uda indak katuju | baju adiak kurang bahan - @e_gie23


16. hari rabaa pukua satu | pukua satu awak manunggu | awak tamanuang tiok hari sabtu | dek ndak do nan ngapel malam minggu - @ie_moet91


17. hari raba'a pukua satu | ba mandi hjan di tangah sawah | yo lah nasip cando itu | tapaso lucky baganti jo daun nipah - @Dede_IRawan07


18. Hari raba'a pukua satu | apak dosen tagak dipintu | mambaaok laptop jo satumpuak buku | sadualahnyo lari ka bangku - @dhoaidil


19. Patang kamih malam jumaik | Hari rabaa pukua satu | Pagi-pagi ka kantua pak camaik | mintak restu dijadikan minantu - @ArissmanA


20. hari raba"a pukua satu | urang manembak pukua duo | payah bana ndak ado isi saku | urg tabali baju nan awak cuma cuci mato - @utarielsangri


21. bajalan anak rang talu | hari raba'a pukua satu | oi adiak sayang usahlah cimburu | ko aa, uda umbuak jo kue putu - @rulli_nymk


22. Hari Rabaa pukua satu | Pai manembak pukua duo | Indak baa babini satu | Asalkan langgeng sampai tuo – ElSyukry92


23. Hari rabaa pukua satu | jam duo masih rabaa | yo payah babini guru | hari sabtu pai juo maaja - @NandaRadePutra


24. hari rabaa pukua satu | subuahnyo pai ka ladang | indak den sangko uda co itu | iduang uda bantuak kapa tabang - @lengga_pradipta


25. pai karimbo manembak balam | hari rabaa pukua satu | kok uda cubo macam-macam | adiak bae jo sipatu - @ie_moet91


26. Hari raba'a pukua satu | ratak balang di ateh kain | raso di hati ndak manantu | sajak jantuang hati jo urang lain - @venyprima


27. hari rabaa pukua satu | hari sanayan pukua ampek | alah banyak tahun nan balalu | nan toga ko alun juo dapek - @yuzicekink


28. Hari rabaa pukua satu | di pasa banyak urang tuo | dikaja anjiang ambiak batu | kiro e tabae mintuo - @NandaRadePutra


29. hari rabaa pukua satu | bisuaknyo lah hari kamih | raso ka mambae paja tu pkai batu | pas uda mangecek paja tu manih - @lengga_pradipta


30. Hari raba'a pukua satu | awan itam condong kabua | pai lah kito maimbau panghulu | bia adiak uda ijab kabua - @Ronny_Pribadi


31. hari raba'a pukua satu | ka balai baru naiak oto cigak | oi uda yg ado disitu | adiak doa'an capek cegak - @ariesta_ferline


32. hari raba'a pukua satu | makan siang di basko | lah abih piti dalam saku | nan kandak hati ndak dapek juo - @adly_pradipta


33. Hari rabaa pukua satu | makan soto di simpang tigo | Urang tuo lah taragak baminantu | nan jodoh alun juo basuo - @KabaSumbar


34. hari salasa baok padati | hari raba'a pukua satu | mungkin ambo pareman sejati | tapi sayang amak nomor satu - @fadillkharisma


35. hari rabaa pukua satu | anak salido pai bajanji | io taragak bana jo gulai paku | nan dek denai ndak tabali - @alextrisno


36. hari raba'a pukua satu | hari salasa pukua duo | dek mangunyah lado kutu | lah mailia salemo dibueknyo - @AdrianFumi


37. hari raba'a pukua satu | di jalan nampk kepompong | paniang si ujang makan tabu | dek gigilah ompong - @papiiwan


38. hari rabaa pukua satu | Hari minggu pukua tigo | Ambo cubo mintak restu | Apo dayo awak urang indak punyo - @RianceJ


39. Hari rabaa pukua satu | urang mamikek ka aie molek | lah disogok jo kulkas 2 pintu | adiak tetap mandi jo sabun colek - @uda_adam


40. hari raba'a pukua satu | banyak alang sadang tabang | ooi amak, kirim paganja isi saku | untuak pambali tarompa japang - @Dede_IRawan07


41. Hari raba'a pukua satu | pai mamboli olang-olang | Bia abih pitih disaku | asa untuak urang nan denai sayang - @abdullfaathiir


42. Hari rabaa pukua satu | Pai manggaleh ka bukittingi | Sedari dulu denai lah tahu | Menjalin cinto hanyolah mimpi - @RaudhatulHsnh


43. Hari raba'a pukua satu | Rang Pandai Sikek pai batanun | Marantau buyuang da'ulu | Di kampuang paguno balun - @Syafrianthony


44. hari raba'a pukua satu | pai ka pasar mambali katupek pitalah | Oi uda nan dirantau | capeklah pulang wak tunggu dirumah - @aiiu_ovane


45. hari raba'a pukua satu | oi mak, angeknyo matoari tagak | dek ka lai adiak babaju baru | sampai-sampai label harago e dak babukak - @rulli_nymk


46. Hari rabaa pukua satu | urang manembak si buruang balam | kalau adiak maraso rindu | bsuak lah diak hari lah malam - @IDR15


47. Hari Raba'a Pukua Satu | Banyak urang Manjua sayua | Pantun Wak Bana indak Katuju | Rancak Awak maukua kasua - @yunanda86


48. Hari rabaa pukua satu | Urang manggaleh buah cimangko | Pak dosen tolong lah bantu | Bia salasai skripsi ambo ko - @ifzan_qwerty


49. Hari rabaa pukua satu | pukua satu hari rabaa | takana dulu zaman ndak basipatu | taruih juo denai pai sakola - @sanirttahus


50. pai ka panam mambali nasi | hari raba'a pukua satu | jauh kan bana dari diri | maisok ganja jo manyabu - @jhofierever


51. hari rabaa pukua satu | jam 2 pai malala | malang bana anak no satu | kanai suruah tiok sabanta - @BimaNugraha23


52. hari raba'a puku satu| pai ka pasa mambali buku| dek maliek adik tagak d situ| ndeh kapalo uda taantuk lo ka pintu - @Romisyahputra1


53. Hari rabaa pukua satu | amai amai manjua lapek | alah abih tapak sapatu | Nan dicari dak kunjuang dapek - @imahfahmi


54. hari raba'a pukua satu |ka simpang haru mambali sapatu |baa ka jadi minantu |kalau jago masih jam satu - @AldoMcray


55. hari rabaa pukua satu | tukang buah mambali nasi | baa awak nak laku | kapalo sulah dek mikia skripsi - @chi2chokyolate


56. Hari raba'a pukua satu | hari kamis pukua duo | kok iyo bapisah nan katuju | bia den lulua si aia mato - @ana_viona


57. Hari Rabaa pukua satu | pai makan martabak kubang | koq cukuik pitih disaku | minggu bisuak pulang jo kapa tabang - @Ihsan2027


58. Hari rabaa pukua satu | makan kue talam jo kue putu | kalau lah tibo raso rindu | tapaso kirim salam jo angin lalu - @DioFajri


59. hari rabaa pukua satu | urang solok kapasa sinayan | oi adiak lah lamo uda manunggu | koq alun diagiah jawaban - @DhandyTramixs


60. hari rabaa pukua satu | marilah kito shalat zuhur | kalau etek ka cari minantu | piliah lah awak si calon insinyur - @__Fikri

Posted by infoSumbar on 2:30 PM in +PantunMinang , infoSumbar , pantun minang

Kumpulan #PantunMinang Edisi “Biduak Tasorong Aia Lauik Kariang"

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.

[sws_pullquote_left]
Untuak malam kini (15 Mei 2013) #PantunMinang nyo diagiah tema “Biduak Tasorong Aia Lauik Kariang” [/sws_pullquote_left]

1. apo lah dayo si tukang pukek | biduak tasorong aie lauik kariang | Baa ko denai ndak ka tagalinjek | mandanga kaba uda ka basandiang - @VestikaLona


2. Biduak tasorong aia lauik kariang | Anak nelayan mamintak tolong | Gaya putuih, utak santiang | Nan karateh ujian tetap juo kosong - @astrocio


3. Biduak tasoroang aia lauik kariang | pai main nan ka pantai | dek harok makan jo kalio jariang | kironyo hanyo ado si uok patai - @AnakRantauMng


4. Biduak tasorong aia lauik kariang | di makan nan manih rasonyo kalek | dek ulah saku nan kariang | makan perai di tampek baralek - @Bobby_RY


5. biduak tasorong aia lauik kariang | karam di tapi apo kadayo | adiak kamek mbo pasuntiang | malakik tibo si hari rayo @wendysukmajaya


6. Biduak tasorong aia lauik kariang | nalayan ndak bisa balayia | iyo subana santiang FC Semen Padang | buek bangga Indonesia - @IkhsaanRamadhan


7. biduak tasorong aia lauik kariang | bamain ka pantai aia manih | bialah dikecek an kaliang | asalkan lai bapitih - @ariesta_ferline


8. Biduak tasorong aia lauik kariang | baa kapa katarapuang | kantong kosong kapalo paniang | baa caro pulang kampuang - @imahfahmi


9. Baputa pangana anak nalayan | Biduak tasorong aia lauik kariang | Nan di awak demi kawan | Tibo di kawan manyemba dari sampiang - @rulli_nymk


10. iko nasib anak muaro | biduak tasorong aia lauik kariang | ba itu bana malang di ambo | cincin dibali adiak bapaliang - @13yeffi


11. Biduak tasorong aia lauik kariang | ba lah aka ka mamukek | nio hati ndk ka basandiang | tapi jodoh nan alun dapek - @dhy_cutenk


12. baa kaba nasib nelayan | biduak tasorong aia lauik kariang | co iko bana jadi akuntan | pitih banyak tapi punyo urang - @rhandimp


13. Aia pasang suruik pukua limo | biduak tasorong aia lauik kariang | abih tabulalak incek mato | amak takantuik galak gadang - @papiiwan


14. Biduak tasorong aia lauik kariang | masin dibali dek pandayuang patah | Walau adiak ompong baunnyo ariang | niek dihati ndak kabarubah - @hendrisajaa


15. biduak tasorong aia lauik kariang | ilang rasaki pai manjalo | ibuk-ibuk jan suko mangunjiang | ingek api narako - @77Ega


16. Biduak tasorong aia lauik kariang | Manjalo ikan malah dapek biawak | Sadang sero manggunjiang | Kironyo urang tu dibalakang wak - @astrocio


17. Biduak tasorong lawik kariang | jalo dibawo ka bukiktingggi | bialah uda makan samba jariang | asa adiak pakai kawek gigi - @uda_adam


18. Biduak tasorong aia lauik kariang | tapaso biduak di katapian | baa ndak ka paniang | kani sadang musim ujian - @pramukaunand


19. biduak tasorong aia lauik kariang | Lah ndak jadi manjalo ikan | Sabana latiah baru pulang | Eh ndak ado pulo yang ka dimakan - @zikra_alpra


20. Biduak tasorong aia lauik kariang | kapa ditangah puta haluan | Cinto tadorong ka tukang jariang | tiok mangecek angok ditahan - @hendrisajaa


21. biduak tasorong aia lauik kariang | biduak balaia di ateh karang | Bantuak tadorong cando mamanggia | Ruponyo adiak dibaok urang - @Waldylaw


22. Mamanciang kapulau Cubadak | Biduak tasorong Aia lauik kariang | admin @infoSumbar rambuiknyo colak | angoknyo baun jariang - @Info_Bkt


23. Biduak tasorong aia lauik karing | Biduak pacah hati tabalah | Hiduik surang kamari gantiang | Hiduik baduo antah baalah - @misszilfi


24. biduak tasorong aia lauik kariang | kapa tasanda di muaro | ndak kan pernah denai bapaliang | cinto ka uda tiado duonyo - @ariani11nova


25. biduak tasorong aia lauik kariang | namun den cubo mancari labo | ondeh tabang-tabang piriang | dek amaknyo marabo - @tifaniirdi


26. Biduak tasorong aia lauik kariang | di pariaman ado pesta akbar | jan ngaku-ngaku rajin twitteran minang | kalau ndak tau @infoSumbar - @ParfiSepriandra


27. Ka lauik manjalo ikan | biduak tasorong aia lauik kariang | tamanuang siap makan | bilo maso Ka mamakai suntiang - @imahfahmi


28. Nio balaia ka kmpuang cino | Biduak tasorong aia lauik kariang | mode ko bana denai mancinto | adiak bapliang ka nan labiah kliang - @notmalinkundang


29. Biduak tasorong lauik kariang | ikan saikua indak nampak | Dimalah uda ndak ka paniang | awak bansaik bini banyak kandak - @BangBoco


30. Biduak tasorong aia lauik kriang | Jalo tarantang ateh kapa | Bisuak aatolong mandeh kanduang | Dari ketek kito Baraja - @yunanda86


31. Biduak tasorong aia lauik kariang | kariangnyo dek ado lubang | patang hari basorak kariang | dek mancaliak SEMEN PADANG manang @LinggaArza


32. Biduak tasorong aia lauik kariang | Kariang sampai balakang olo | Uruihlah iduik masiang-masiang | Urusan urang jan sato lo - @puputtripeni


33. Ka rimbo mancari karo | Biduak tasorong aia lauik kariang | kalo adiak jadi panjaro | uda rela jadi maliang - @NickGhawa


34. lah den pakai pukek harimau | biduak tasorong aia lauik kariang | cinto di rantau maimbau-imbau | katiko denai nio disuntiang - @13yeffi


35. alah didarek taragak malauik | biduak tasorong aia lauik kariang | dek lah dakek cakak ndak suruik | Bantuak ongok dipauik santiang - @seputar_sumbar


36. Biduak tasrong aia lauik kariang | kariangnyo dek hari angek | kini saku lah sabana kariang | dek ulah adiak nan maningkek - @tyasss_wb


37. biduak tasorong aia lauik kariang | si buyuang nak muaro | kok umua lah manjolong gadang | jan juo manambah doso - @dawelejunior


38. Biduak tasorong aia lauik kariang | maratok nalayan dak dapek makan | adiak elok parangai santiang | tapi sayang hanyo kiasan - @rulli_nymk


39. Biduak tasrong aia lauik kariang | baelo katapi tajarek karang | mato sambok aia mato kariang | badanlah sansai taragak pulang - @Rovinaina


40. Ka rimbo mancari karo | biduak tasorong lauik kariang | Kok adiak jadi nak daro | Uda siap duduak basandiang - @kancang_kaperai


41. Biduak tasorong aia lauik kariang | Ikannyo indak basuo | Malang ditungok kawan sairiang | Punyo wak disemba juo - @Bukan_Ariell


42. mudiak babondong ka hilia tabiang | di sinan pitulo tumbuah babatang | biduak tasorong aia lauik kariang | di sinan badan mako tagamang - @andriAntank


43. biduak tasorong aia lauik kariang | tamanuang si tukang pukek | damin ko yo sabana santiang | mancari tema yg sabana padek - @bholeank


44. Kapa gadang mahantam ombak | biduak tasorong aia lauik kariang | alah payah manahan galak | gigi palsu maloncek ka piriang - @papiiwan


45. Barumah urg dibawah katapiang | batuang dipancuang pamaga halaman | biduak tasorong aia lauik kariang | kama haluan ka diarahkan - @andriAntank


46. Dimudiak sarang kapitiang | buayo mati di impik batu | biduak tasorong aia lauik kariang | pulau mano ka dituju - @andriAntank


47. Biduak tasorong aia lauik kariang | kariang sampai nagari sabarang | rayo bru ka plng kampuang | nan tiket alah diborong urang - @heltriaSF


48. Biduak tasoroang aie lauik kariang | Cindua takacau hari lah hajan | Dek mantang kulik uda kaliang | Cinto uda adiak indakkan - @dal_riuz


49. Ka hulu jo biduak kayu | biduak tasorong lauik kariang | Kok nio ka penghulu | jan dipakai juo rok bagunting sampiang - @fmoelya

Posted by infoSumbar on 2:26 PM in +PantunMinang , infoSumbar , pantun minang